« Маркшейдерлік іс және геодезия » кафедрасына инженерлік бағыттағы республикалық зертханалар жұмысы аясында Leica Geosystems фирмасының базалық GPS станциясы орнатылды.
Базалық GPS станциясы – бұл қазіргі уақыт режимінде жазықтықтық нақты координаталарды анықтауға арналған қозғалмалы спутник қабылдағыштарынан (ровер) келетін мәліметтерді дифференциалды түрде дұрыстайтын және ұсынатын аппараттық-бағдарламалық кешен.
Қозғалмалы қабылдағыш қолданушылары дифференциалды өзгертулерді жоғары жылдамдықтағы сымсыз желілер (GSM, GPRS, CDMA және т.б.) және Интернет жүйесі арқылы қабылдай алады.
Базалық станциялар мына жағдайларда қолданылады:
• Геодезияда
• ГИС және картографияда
• Жерге қоныстандыруда
• Құрылыс және ауыл шаруашылық техникасын басқаруда
• Көлік құралдарын навигациялауда.
Қазіргі таңда базалық станция университеттің ҒЗИ-ның өндірістік базасында геодезиялық түсірілімдер жасауда және «Инженерлік геодезия», «Жоғары геодезия», «Фотограмметрия» сияқты және т.б. зертханалық дәрістерді жүргізу үшін қолданылуда.