«Өнеркәсіптік қәуіпсіздік және экология» кафедрасы
6B11201 «Тіршілік әрекетінің қауіпсіздігі және қоршаған ортаны қорғау» білім беру бағдарламасы
Академиялық дәреже: қызмет көрсету саласының бакалавры
Білім беру бағдарламасының мақсаты
6B11201 «Тіршілік әрекетінің қауіпсіздігі және қоршаған ортаны қорғау» білім беру бағдарламасының мақсаты — өнеркәсіптік кәсіпорындарда және басқа да ұйымдарда тіршілік қауіпсіздігі мен қоршаған ортаны қорғау талаптарын қамтамасыз ету жөніндегі жұмысты ұйымдастыра алатын мамандар даярлау.
Білім беру бағдарламасының негізгі мақсаттары
- Қазақстан Республикасы Конституциясының және заңнамасының негізгі ережелерін қолдану, қоғамдық қатынастар мен кәсіби қызметтегі, оның ішінде сыбайлас жемқорлыққа қарсы іс-қимыл саласындағы материалдық және процестік құқықтың өзара байланыс тетігін түсіну.
- Өндірістік процестерді жобалау және ұйымдастыру кезінде есептеулер жүргізу.
- Физикалық-химиялық құбылыстарды ескере отырып, өндірістік процестерді ұйымдастыру.
- Шаруашылық жүргізуші субъектілердің кәсіпкерлік қызметін талдау мен жоспарлауды жүзеге асыру және оны жүргізуге қатысу.
- Кәсіби міндеттерді шешу үшін когнитивтік және лингвомәдени құзыреттерді пайдалану.
- Техникалық объектілерді жобалау кезінде конструкторлық құжаттаманы әзірлеу.
- Өнеркәсіптік кәсіпорындарда және басқа да ұйымдарда қауіпсіздік пен еңбекті қорғау саласындағы тәуекелдерді басқару жүйесін ұйымдастыру.
- Өнеркәсіптік кәсіпорындарда және басқа да ұйымдарда өрт қауіпсіздігі саласындағы тәуекелдерді басқару жүйесін ұйымдастыру.
- Қауіпті өндірістік объектілерде өнеркәсіптік қауіпсіздік саласындағы тәуекелдерді басқару жүйесін ұйымдастыру.
- Өнеркәсіптік кәсіпорындарда және басқа да ұйымдарда азаматтық қорғаныс пен төтенше жағдайлар саласындағы тәуекелдерді басқару жүйесін ұйымдастыру.
- Өнеркәсіптік кәсіпорындарда және басқа да ұйымдарда қоршаған ортаны қорғау саласындағы тәуекелдерді басқару жүйесін ұйымдастыру.
Түлектердің ықтимал кәсіби қызмет бағыттары
— қауіпсіздік және еңбекті қорғау жөніндегі мамандар мен инспекторлар;
— өнеркәсіптік қауіпсіздік жөніндегі мамандар;
— төтенше жағдайлар, өрт қауіпсіздігі және еңбекті қорғау саласындағы мемлекеттік органдардың мамандары;
— экология департаменттерін және қоршаған ортаны қорғау саласындағы уәкілетті мемлекеттік органды қоса алғанда, экология саласындағы мемлекеттік басқару органдарының мамандары;
— табиғи ресурстар және табиғат пайдалануды реттеу басқармаларының мамандары;
— табиғат қорғау жобалау ұйымдарындағы эколог-жобалаушылар;
— өнеркәсіптік қауіпсіздік саласындағы жобалаушылар;
— эколог-зертханашылар және экологиялық мониторинг жөніндегі мамандар;
— экология, қауіпсіздік және еңбекті қорғау саласындағы менеджерлер;
— экономиканың түрлі салаларындағы кәсіпорындардың экологтары.
7M11201 «Тіршілік әрекетінің қауіпсіздігі және қоршаған ортаны қорғау» білім беру бағдарламасы
Академиялық дәреже: «Тіршілік әрекетінің қауіпсіздігі және қоршаған ортаны қорғау» білім беру бағдарламасы бойынша техника ғылымдарының магистрі
Білім беру бағдарламасының мақсаты
7M11201 «Тіршілік әрекетінің қауіпсіздігі және қоршаған ортаны қорғау» білім беру бағдарламасының мақсаты — кәсіби мәдениеті жоғары және белсенді азаматтық ұстанымы бар, заманауи ғылыми және практикалық міндеттерді тұжырымдап, шеше алатын, жоғары және жоғары оқу орнынан кейінгі білім беру ұйымдарында сабақ беруге, сондай-ақ зерттеу және басқару қызметін жүзеге асыруға қабілетті мамандар даярлау. Бағдарлама ғылыми-зерттеу құзыреттерін дамытуға, түрлі деңгейдегі ғылыми іс-шараларға қатысуға, қолданыстағы талаптарға сәйкес докторантурада білімін жалғастыруға, сондай-ақ жоғары мектеп педагогикасы мен психологиясы саласындағы білім мен оқыту тәжірибесін меңгеруге бағытталған.
Білім беру бағдарламасының негізгі мақсаттары
— психологиялық-педагогикалық қағидаттар негізінде жоғары және жоғары оқу орнынан кейінгі білім беру ұйымдарында білім беру қызметін жүзеге асыру;
— басқару қызметінде туындайтын психологиялық міндеттерді шешу;
— кәсіби салада ғылыми-зерттеу жұмыстарын жүргізу үшін ғылыми зерттеулер әдіснамасын, эксперименттерді жоспарлау әдістерін және қателер теориясының негіздерін меңгеру;
— кәсіби қызметте креативті идеяларды әзірлеу мен іске асыруға басшылық ету;
— өндірістік және ғылыми-педагогикалық қызметте мәдениетаралық коммуникацияны жүзеге асыру;
— азаматтық қорғаныс және төтенше жағдайлар саласындағы тәуекелдерді басқару жүйелерін талдау;
— технологиялық процестерді жүргізу кезінде істен шығу, оқыс оқиғалар мен авариялар тәуекелін бағалау үшін техникалық құрылғылар мен жабдықтардың сенімділігін талдау;
— техногендік тәуекелдерді басқару жүйелерін талдау және оларды төмендету жөніндегі шаралардың тиімділігін бағалау;
— технологиялық жүйелердің қауіпсіздігін қамтамасыз ету талаптарының толықтығы мен жеткіліктілігін бағалау;
— өнеркәсіптік кәсіпорындардағы кәсіптік тәуекелдерді басқару жүйелерін талдау;
— өнеркәсіптің түрлі салаларындағы еңбек жағдайларына мониторинг жүргізу және оларды талдау;
— өндірістік жабдық конструкцияларына, жұмыс орындары мен басқару органдарына қойылатын эргономикалық талаптардың толықтығы мен жеткіліктілігін бағалау.
Оқу барысында қалыптасатын дағдылар
Оқу барысында магистрант мынадай дағдыларды меңгереді:
— ғылыми-зерттеу жұмыстарын жүргізу кезінде жалпы ғылыми әдістерді қолдану;
— зерттеу нәтижелерін ғылыми өнімнің түрлі нысандарында рәсімдеу;
— педагогикалық қызметті жүзеге асыру;
— шет тілдерін кәсіби, ғылыми-зерттеу және педагогикалық қызметте пайдалану.
Оқытуды ұйымдастыру
Ғылыми-педагогикалық бағыт түлектері үшін жоғарыда аталған қызмет түрлерімен қатар техникалық және кәсіптік, жоғары және жоғары оқу орнынан кейінгі білім беру ұйымдарында сабақ беру, сондай-ақ ғылыми-техникалық зерттеулер жүргізу басым бағыттар болып табылады.
Оқыту мемлекеттік білім беру тапсырысы және ақылы негізде, университет бекіткен оқу нысандары мен білім беру траекторияларына сәйкес жүзеге асырылуы мүмкін.
Магистратурада даярлау бейіндік және ғылыми-педагогикалық бағыттар бойынша жүзеге асырылуы мүмкін. Оқу ұзақтығы академиялық кредиттер көлеміне, бекітілген білім беру бағдарламасына және қолданыстағы мемлекеттік талаптарға сәйкес айқындалады.
Магистратураға қабылдау кешенді тестілеу нәтижелері бойынша және Қазақстан Республикасының әрі университеттің қолданыстағы қабылдау қағидаларына сәйкес конкурстық негізде жүзеге асырылады.
Магистратура бағдарламасын табысты меңгерген ғылыми-педагогикалық бағыт түлектері оқуға түсуге қойылатын қолданыстағы талаптарды орындаған жағдайда докторантурада білімін жалғастыра алады.
