Әскери кафедра
Әскери кафедрада оқу уақытында «Әскери құқық», «Тәрбие және идеологиялық жұмыстың әдістемесі», «Әскери құқық және әскери басқару негіздері», «Әскери педагогика мен психология негіздері» пәндері бойынша сабақтар өткізіледі, онда студенттер әскери педагогика мен психология негіздерін, Қазақстан Республикасының: «Қазақстан Республикасының Қорғаныс және Қарулы Күштері туралы», «Әскери міндеттілік және әскери қызмет туралы», «Қазақстан Республикасының Әскери доктринасы», «Әскери қызметкерлер мен олардың отбасы мүшелерінің мәртебесі мен әлеуметтік қорғалуы туралы», «Қазақстан Республикасының қылмыстық кодексі » (әскери қылмыстар бөлімі) заңдарды оқиды, 1949 жылғы 12 тамыздағы Женева конвенциялары және олардың 1977 жылғы 8 маусымдағы қосымша хаттамалары. Осы сабақтардың әр тақырыбына арналған электронды презентациялар жасалған.
Өзін-өзі дайындау сағаттарында ай сайын взводтардың жауаптылары оқу нәтижелерін қорытындылайды, әскери және әскери-патриоттық тақырыптағы фильмдер көреді. Ай сайын мәдени, адамгершілік және қоғамдық-саяси тақырыптарда әңгімелер өткізіледі.
«Танкистер күні», «Әскери байланысшы күні», «Зымыран әскерлері мен артиллерия күні», «Тәрбие құрылымдарының құрылған күні» кәсіби мереке күндері ерекше көзге түскен оқытушылар мен студенттерді көтермелеумен салтанатты іс-шаралар, тиісті тақырыптағы фильмдерді қарау өткізіледі.
Бұқаралық ақпарат құралдарын, Қарулы Күштердің ардагерлерін, облыстық қорғаныс істері жөніндегі департаменттің өкілдерін, «Астана» өңірлік қолбасшылығы әскерлері қолбасшысын шақырылуымен, мерекелік жағдайда жыл сайын әскери кафедраны бітірген студенттердің оқуын аяқтауға арналған салтанатты іс-шара өткізіледі.
Ауғанстаннан шектеулі әскер контингентін шығару күніне арналған іс-шараларға қатысушылармен: әскери кафедраның аға оқытушысы отставкадағы подполковник Н.В. Лузинмен, әскери кафедраның қызметкері запастағы сержант Р.Фахретдиновпен кездесу-әңгімелер өткізіліп, «Ауғанстанның соңғы солдаты» атты электронды таныстырылым мен фильм көрсетіледі. Сондай-ақ әскери кафедра студенттері «Жауынгер-интернационалистер» монументіне гүл шоқтарын қоюға қатысады.
Қазақстан Республикасы Президентінің Қазақстан халқына жыл сайынғы жолдауын талқылау ұйымдастырылады.
Оқытушылармен, оқу-көмекші қызметкерлермен және студенттермен сұхбат парағы құрастырылып жүргізілген жеке тәрбие жұмыстары оқу процесіне оң әсер етеді.
Студенттерді кафедраның қоғамдық өміріне қызықтыру мақсатында әр взводта жұмыс парақтарының редакторлары тағайындалады және кезең-кезеңімен өзгеріп отырады, оған студенттердің көзімен кафедра қызметкерлерінің, циклдың, взводтардың проблемалары мен жетістіктері көрсетілген әскери парақтар шығарылады. Үгітшілер соңғы әскери жабдықтар мен қару-жарақ, қарулы күштер мен ел өміріндегі жаңалықтар туралы материалдарды шығарады.
Әскери кафедраның кітапханасында мерзімді басылымдар жыйнтығы жүргізіледі. Кафедра күшімен жастарға әскери-патриоттық тәрбие беруге арналған материалдармен альбомдар шығарылған. «Құрметті қонақтар кітабы» және «Құрмет кітабы» жүргізіледі.
Халқымыздың өткендегі ерлігі мен бүгінін насихаттау мақсатында кафедраның акт залында Қазақстанның тарихи тұлғаларының портреттері орнатылған.
Кафедра фойесінде және мәжіліс залында Қазақстанның, Қарулы Күштердің тарихы мен мемлекеттік рәміздері көрсетілген стендтер орналастырылған.
Бірнеше жылдар бойы әскери кафедрада Қарағанды қаласындағы мектеп, колледж, лицей оқушыларымен экскурсиялар өткізіледі, оның барысында студенттер әскери кафедрада бар құрал-жабдықтармен және қару-жарақпен және оның тарихымен танысуға мүмкіндік алады, жыл сайын 400 адамға дейін қатысады.
Ауғанстан Демократиялық Республикасында интернационалдық міндеттерді
орындау кезінде қайтыс болған ҚарПТИ
әскери кафедрасының түлектері және студенттері
ПРОКОПОВИЧ Дмитрий Всеволодович — полиция подполковнигі, КСРО Ішкі істер министрлігінің Ауғанстан Демократиялық Республикасындағы өкілдігінің аға кеңесшісі, 82616 әскери бөлімі. Ол 28.08.1945 ж. Қазақ КСР-нің Орал қаласында дүниеге келген, украин. 1968 жылы Қарағанды политехникалық институтын дәнекерлеуші мамандығы бойынша бітірді. ҚПТИ әскери кафедрасында әскери дайындықтан өтіп, «лейтенант» атағына ие болды. КСРО Ішкі істер министрлігінің академиясын бітірген. Совет Армиясына 19.07.1968 жылы Қарағанды қаласының Ленин аудандық әскери комиссариаты шақырды.
Ол Ауғанстан Демократиялық Республикасында 22.06.1987 бастап 09/19/1988 жж. дейін Ауғанстан Республикасы Ішкі істер министрлігінде аға жедел
уәкіл ретінде қызмет етті.
Оның ақпараты бойынша, Суфа-Фасул, Хан-Ого және Дангар бандалары жетекшілерінің орналасқан дислокациясына екі бомба және алты артиллериялық шабуылдары жасалған, Қарабағ аймағында қару-жарақ пен оқ-дәрілер тиелген 36 жануарлар керуені жойылған.
Әскери борышын адал атқарғаны үшін Қызыл Жұлдыз орденімен марапатталған. 1989 жылы 12 сәуірде қайтыс болды.
Ол 14.04.1989 жылы Қарағандыдағы Михайловский (ескі) зиратында жерленген.
ВЕСЕЛЬСКИЙ Виктор Станиславович — капитан, 93992 әскери бөлімінің басқару взводының командирі. 1949 жылы 15 қаңтарда Қарағанды қаласында туған, орыс, білімі жоғары, № 43 орта мектепті және Қарағанды политехникалық институтын бітірген. Әскери дайындықты лейтенант әскери атағы берілуімен институттың әскери кафедрасында өтті. Ол 1972 жылы Кеңес Армиясының құрамына Алматы қаласының Алатау аудандық әскери комиссариатымен шақырылды.
1972 жылдың қазанынан 1974 жылға дейін Германиядағы Орталық әскерлер тобында түрлі әскери лауазымдарда қызмет етті.
Ауғанстан Демократиялық Республикасында ол 1979 жылдан 1980 жылдың 12 қаңтарына дейін взвод командирі қызметін атқарды. Ол жауынгерлік тапсырманы орындау кезінде 1980 жылы 12 қаңтарда қайтыс болды.
Алматы қаласындағы Рысқұлов зиратында жерленген. Қызыл Жұлдыз орденімен және «Риза болған ауған халқынан» медалімен марапатталған.
ЛАПУШКИН Александр Павлович — қатардағы ұлан жаунгер, 103-ші гвардиялық Витебск Қызыл Тулы әуе-десанттық дивизиясының сапер-гранатометшісі. 06.09.1960 жылы Қарағанды қаласында дүниеге келген, орыс, білімі аяқталмаған жоғары, ҚарПТИ кешкі бөлімінің студенті (АТ-78В тобы).
07.08.1980 жылы ол оқ-дәрілер қоймасын жою міндетін орындаған топ бүлікшілердің қатты отына түсіп, ғимаратқа пана іздеуге мәжбүр болды. Лапушкин А.А. жаудың тылына жасырын кіріп, автомат пен гранатадан жасалған отпен бірнеше атыс нүктесін басқан, бірақ өзі ұрыс кезінде қатты жараланған.
Ерлігі мен батылдығы үшін Қызыл Жұлдыз орденімен марапатталды (қайтыс болғаннан кейін).
Қарағанды қаласындағы Тихоновка зиратында жерленген.
ПОСОБИЛОВ Олег Валентинович — сержант, бөлімше командирі, ә/б д/п 52679. 21.07.1965 жылы Қарағанды қаласында туған, орыс, ҚарПТИ тау-кен факультетінің студенті (ГФ-82-2 тобы).
29.12.1984 жылы Кандагар қаласы маңында қаза тапты.
«Алғыс білдірген ауған халқынан» медалімен марапатталған.
Қарағанды облысының Шахтинск қаласында жерленген.
СКИБИН Владимир Анатольевич —қатардағы ұлан жауынгері, гвардиялық Витебск Қызыл Тулы әуе-десанттық дивизиясының пулеметшісі. 18.04.1962 жылы Қарағанды қаласында дүниеге келген, орыс, білімі аяқталмаған жоғары, ҚарПТИ кешкі бөлімінің студенті (ТМК-79-2в тобы).
29.01.1982 жылы Шарикар қаласы маңында шайқаста қаза тауып, ерлік көрсетті.
Ерлігі мен батылдығы үшін Қызыл Жұлдыз орденімен марапатталды (қайтыс болғаннан кейін).
Қарағанды-Сұрыптау станциясында жерленген.