Ғылым, білім, өндіріс және бизнестің тиімді интеграциясын қамтамасыз ету мақсатында университет базасында «Корпоративтік университет» инновациялық-білім беру консорциумы құрылды.
Корпоративтік университет (бұдан әрі – КУ) тек білім беру үдерісінің сапасын арттыруға ғана емес, сонымен қатар жаңа техника мен технологияларды жасау, ғылыми-зерттеу нәтижелерін өндіріске енгізу бойынша нәтижелі ғылыми-техникалық ынтымақтастықты қамтамасыз етуге мүмкіндік береді. КУ қызметінің негізгі бағыттары мыналар болып табылады:
• ұйымдар тапсырысы бойынша шаруашылық келісімшарттар шеңберінде ғылыми және ғылыми-техникалық жұмыстарды орындау;
• мемлекеттік бюджеттік жобаларды іске асыруға ұйымдардың мамандарын тарту;
• өндірістің ғылыми-техникалық мәселелерін бастамашыл тақырыптар, докторлық және магистрлік диссертациялар, дипломдық және курстық жұмыстар аясында шешу;
• мемлекеттік бюджеттік жобаларды бірлесіп қаржыландыруға ұйымдарды тарту;
• ұйымдардың бірлескен орындаушы ретінде мемлекеттік қаржыландыруға өтінімдер беруге қатысуы;
• эксперименттік жұмыстар жүргізу үшін ұйымдардың материалдық-техникалық базасын пайдалану;
• ұйымдарда тәжірибелік-конструкторлық жұмыстардың нәтижелерін енгізуге жәрдемдесу;
• ғылыми-зерттеу және тәжірибелік-конструкторлық жұмыстардың (ҒЗТКЖ) бірлескен нәтижелерін ғылыми журналдардағы мақалалар, конференциялардағы баяндамалар және монографиялар түрінде жариялау;
• бірлескен өнертабыстарды патенттеу;
• өндірістің ғылыми-техникалық проблемаларының дерекқорын қалыптастыру;
• көрмелерге қатысу;
• КУ құрамындағы ұйымдарда профессор-оқытушылар құрамының біліктілігін арттыру;
• КУ ұйымдарының қызметкерлерінің ҚарТУ-де біліктілігін арттыру.
Қазіргі уақытта КУ құрамына Қазақстанның 86 жүйеқұраушы өнеркәсіптік кәсіпорны мен ғылыми орталықтары кіреді. Олардың қатарында қаланы қалыптастырушы ірі компаниялар бар: «Қазақмыс корпорациясы» ЖШС, «Qarmet» АҚ, «Соколов-Сарыбай тау-кен байыту өндірістік бірлестігі» АҚ, «Шұбаркөл Көмір» АҚ, «Жайрем ТБК» АҚ, «Богатырь Көмір» ЖШС, сондай-ақ шетелдік компаниялар – «Borusan Makina» ЖШС, «Минск трактор зауыты» ААҚ және басқа да ұйымдар. Сонымен қатар, КУ құрамына Мәскеу, Санкт-Петербург, Томск, Тюмень және Бухара қалаларының жетекші шетелдік жоғары оқу орындары кіреді.
Соңғы жылдары ҚарТУ мен КУ кәсіпорындары арасындағы ғылыми-техникалық ынтымақтастық айтарлықтай жанданды.
 
				
































































