Saginov Technical University-де Польшадан келген ғалым, PhD докторы, Варшава технологиялық университетінің профессоры, Польша ғылым академиясының Жүйелік зерттеулер институтының профессоры Мария Ганжамен кездесу өтті. Ол Әбілқас Сағынов атындағы Қарағанды техникалық университетіне ҚР ҒЖБМ шетелдік сарапшылар мен жетекші университеттердің ғалымдарын тарту жөніндегі республикалық бағдарлама аясында келді.
Мария Ганжа – Польшаның жетекші ғалымы және маманы және Scopus-18 базасында Хирш индексі бар. Ол жасанды интеллект, операциялық жүйелер, мәліметтер базасы, математикалық информатика, кешенді талдау және интегралды геометрия бойынша зерттеулер жүргізеді.
Өзінің сапары барысында профессор ғылыми зерттеулер үшін жасанды интеллект бойынша университет студенттеріне, магистранттарына, докторанттарына және ПОҚ-қа дәрістер оқиды және практикалық сабақтар өткізеді, магистранттар мен докторанттардың диссертациялары бойынша консультациялар, ғылыми зерттеулердің әдіснамалары бойынша қызметкерлер мен білім алушыларға арналған оқыту семинары мен тренингтер, сондай-ақ жоғары рейтингілік журналдарда мақалалар жариялау бойынша Workshop өткізеді.
Сонымен қатар, профессор Ганжа Erasmus+, Horizon, World Bank және шетелдік гранттық жобаларыға және басқа да халықаралық бағдарламаларға қатысу мәселелері бойынша университеттің зерттеушілері мен әкімшілік қызметкерлеріне кеңес береді.
Кездесу барысында бірлескен ғылыми мақалаларды дайындау және ресімдеу, халықаралық жобаларға қатысу, Erasmus+ бағдарламасына өтінім беру кезінде ғалымдарды қолдау, бірлескен зерттеулер жүргізу, сондай-ақ Әбілқас Сағынов атындағы Қарағанды техникалық университетінің білім беру бағдарламаларын ашу және жетілдіру бойынша жұмыс жоспарланып отыр, сондай-ақ бірлескен ғылыми қызмет және ынтымақтастық перспективалары туралы уағдаластықтарға қол жеткізілді.
[/su_custom_gallery]
