Saginov Technical University Академиялық адалдық лигасының құрамына енді
Әбілқас Сағынов атындағы Қарағанды техникалық университеті Академиялық адалдық лигасының құрамына қабылданды.
Тиісті шешім Академиялық адалдық лигасының Жалпы жиналысында қабылданды. Осылайша университет академиялық адалдық, ашықтық және білім беру үдерісіндегі жауапкершілік қағидаттарын қолдайтын және ілгерілететін Қазақстан Республикасының жоғары және жоғары оқу орнынан кейінгі білім беру ұйымдары қауымдастығының мүшесі атанды.
Академиялық адалдық қағидаттарын сақтау — сапалы білім беру мен әділ академиялық ортаны қалыптастырудың маңызды негіздерінің бірі. Лига құрамындағы жұмыс университетке осы бағыттағы бастамалар мен іс-шараларға қатысуға, тәжірибе алмасуға және білім беру үдерісінің ашықтығын одан әрі дамытуға мүмкіндік береді.
Алдағы уақытта университеттің ресми сайтында Академиялық адалдық лигасының миссиясы, мақсаттары мен негізгі қызмет бағыттары, сондай-ақ Saginov Technical University-дің Лига аясындағы жұмысы туралы арнайы ақпараттық бөлім орналастыру жоспарланып отыр.
Сонымен қатар университеттің оқу корпустарында, кітапханаларында, жатақханаларында және студенттер мен қызметкерлерге қолжетімді басқа да орындарда академиялық адалдық қағидаттарының ықтимал бұзушылықтары туралы анонимді түрде хабарлауға мүмкіндік беретін QR-коды бар ақпараттық материалдар орналастырылады.
Saginov Technical University академиялық мәдениетті дамытуға, әділдік пен жауапкершілік қағидаттарын нығайтуға және білім беру үдерісінің ашықтығын қамтамасыз етуге бағытталған жұмысты жүйелі түрде жалғастырады.
[/su_custom_gallery][/su_custom_gallery]
