SAGINOV TECHNICAL UNIVERSITY РЕКТОР ГРАНТЫНЫҢ ИЕГЕРЛЕРІ АНЫҚТАЛДЫ!
Әбілқас Сағынов атындағы Қарағанды техникалық университетінің Ректор грантына ие болған талапкерлердің тізімін назарларыңызға ұсынамыз!
Биыл университеттің Ректор грантына 10 талапкер ие болды. Бұл – жоғары нәтижесімен ерекшеленген, білімге деген ұмтылысы мен белсенділігі арқылы көзге түскен талапкерлерге берілетін үлкен мүмкіндік.
Ректор гранты мынадай талапкерлерге берілді:
⁃ ҰБТ-ның 5 пәні бойынша 100 және одан жоғары балл жинаған талапкерлерге;
⁃ IQanat High School of Burabay мектебінің түлектеріне;
⁃ Әлеуметтік осал санаттарға жататын талапкерлерге.
Ректор гранты – талапкерлердің білімге деген талпынысын қолдауға, олардың жоғары оқу орнында сапалы білім алуына және кәсіби дамуына жол ашуға бағытталған маңызды қолдау.
Бұл грант иегерлері енді студенттік өмірдің жаңа кезеңіне қадам басып, Saginov Technical University-дің үлкен әрі белсенді академиялық ортасына қосылады.
Алда сіздерді жаңа орта, сапалы білім, қызықты жобалар, ғылыми-зерттеу жұмыстары, кәсіби даму мүмкіндіктері және жаңа белестер күтіп тұр. Университет қабырғасында өз қабілеттеріңізді шыңдап, таңдаған мамандықтарыңызды терең меңгеріп, болашақта білікті әрі бәсекеге қабілетті маман атануға мүмкіндік мол.
Saginov Technical University студенттеріне тек білім беріп қана қоймай, олардың кәсіби және тұлғалық дамуына қажетті орта қалыптастыруға ұмтылады. Сондықтан Ректор грантының әрбір иегерін университеттің жаңа жетістіктерінің бір бөлігі деп білеміз.
Ректор грантының барлық иегерлерін шын жүректен құттықтаймыз!
Сіздерге студенттік өмірлеріңізде сәттілік, жаңа білімге деген құштарлық, белсенділік пен биік жетістіктер тілейміз! Алға қойған мақсаттарыңызға жетіп, университеттің мақтанышына айналыңыздар!
Saginov Technical University — білім мен мүмкіндікке бастар жол!
