Әбілқас Сағынов атындағы ҚарТУ-да Ғылыми кеңестерде үздік оқытушылар мен студенттерге марапаттар табыстау дәстүрге айналды.
29 мамырда өткен кезекті Ғылыми кеңесте ҚР Қаржы мониторингі агенттігінің дипломы және университет басшылығынан Инновациялық технологиялар факультетінің 3-курс студенті Халил Каландаровқа 2025 жылғы қаржы қауіпсіздігі бойынша ұлттық олимпиададағы жеңісі үшін алғыс хат табыс етілді. Олимпиаданың 40 финалистінің ішінен Халил Ресей Федерациясында халықаралық конкурста Қазақстанның атынан қатысатын жеңімпаздардың үштігіне кірді.
Инновациялық технологиялар факультетінің 1-курс студенті Руслан Ақдаулетовке жоғары азаматтық жауапкершілігі, лайықты мінез-құлқы және әйелге көмек көрсеткені үшін алғыс хат табыс етілді. Руслан азамат Ғ. Мырзакәрімоваға ер адамның жасаған шабуылына куә болды. Ол әйелді шабуылдаушыдан қорғап, соңғысын полиция бөліміне алып барды. Университет атына Ғалия Мырзакәрімовадан хат келіп түсті, онда ол Русланға лайықты әрекеті үшін алғыс білдіреді.
Сондай-ақ біздің университетіміздің «SAGINOV’S JAS ZERTTEÝSHILERI — 2024» гранттарын жеңіп алған Әбілқас Сағынов атындағы ҚарТУ-дың жас ғалымдарына құрмет грамоталары табыс етілді. Олар Ғылыми-техникалық кеңесте өздерінің ғылыми жобаларын сәтті жүзеге асырды және қорғады:
- «Өндірістік процестерді автоматтандыру» кафедрасының оқытушысы (ФЭАТ) Гамзат Сүндетке;
- PhD докторы, «Технологиялық жабдық, машина жасау және стандарттау» кафедрасының ассистенті (МФ) Александра Бергке;
- «Қазақ тілі мен мәдениеті» кафедрасының оқытушысы (ЖКФ) Айнура Жалдыбаеваға;
- «Энергетикалық жүйелер» кафедрасының оқытушысы Бектас Оспановқа.
Марапаттармен құттықтаймыз! Өрлей беріңіздер!
