2025 жылғы 24 сәуірде Астанада осы бірегей қоғамдық институттың 30 жылдығына арналған Қазақстан халқы Ассамблеясының XXXIV сессиясы өтті.
Іс-шараға еліміздің барлық өңірлерінен мемлекет қайраткерлері, этномәдени бірлестіктердің, ғылыми қоғамдастықтың, жастар мен азаматтық сектордың өкілдері қатысты.
Әбілқас Сағынов атындағы Қарағанды техникалық университетінен сессияға, ҚХАжӘГП кафедрасының меңгерушісі Динара Госманқызы Шорманбаева және коммерцияландыру Кеңсесінің басшысы, Қарағанды облысы ҚХА ғылыми-сараптамалық тобының Жастар кеңесінің басшысы Рустам Равильевич Бузяков қатысты.
Сессия этносаралық келісімді нығайту, қоғамның тұрақты дамуы және жастардың қоғамдық-азаматтық бастамаларға қатысуын кеңейту жөніндегі өзекті міндеттерді талқылау үшін маңызды тұғырнамаға айналды. Қазақстан Республикасының Президенті Қасым-Жомарт Тоқаев өз сөзінде ҚХА қызметінің негізгі бағыттарын атап өтті: қоғамдық бірлікті сақтау, тіл мен мәдениетті дамыту, жастармен байланысты күшейту және ортақ азаматтық бірегейлікті қалыптастыру.
Әбілқас Сағынов атындағы ҚарТУ өкілдерінің ҚХА сессиясына қатысуы университеттің қоғамдық диалогты дамытуға және өзара сыйластық, мәдени әртүрлілік және азаматтық жауапкершілік идеяларын ілгерілетуге қосқан маңызды үлесі болды. Мұндай іс-шаралар университет қауымдастығына білім және ғылым орталығы ғана емес, сонымен қатар елдегі тұрақтылық пен келісімді нығайтуға бағытталған процестердің белсенді қатысушысы болуға мүмкіндік береді.
