2023 жылдың 20 қазан күні сағат 10.55-те «Шетел тілдері» кафедрасының ұйымдастыруымен «Ел болашағына жастардың көзқарасы» атты пікірсайыс танымдық іс-шара өтеді. Аталған іс-шара аясында студенттер еліміздің болашағын талқылап, өз ойларын білдіруге мүмкіндік алады. Ағылшын тіліндегі пікірсайыстарымыз – өзекті мәселелерді талқылауға, коммуникативті дағдыларды дамытуға және өз идеяларыңызды жеткізуге бірегей мүмкіндік.
Іс-шараның мақсаты:
Ағылшын тілінде еліміздің болашағы үшін маңызды мәселелерді жастардың өз көзқарасын білдіруіне және зерттеуіне жағдай жасау.
Міндеттер:
- Ағылшын тілінде көпшілік алдында сөйлеу дағдыларын дамытуға үлес қосу;
- қазіргі әлеуметтік, экономикалық және саяси мәселелер бойынша дәлелді көзқарастардың қалыптасуына ықпал ету;
- студенттерді толерантты пікірталас пен өзара түсіністікке баулу.
Жастар – еліміздің болашағы, олардың пікірі маңызды. Біз жылдам өзгеретін әлемде өмір сүріп жатқандықтан, ақпаратты талдау және дәлелді ұстанымдар құра білу маңызды. Аталған іс-шара студенттерге сыни ойлауды дамытуға және негізгі тақырыптар бойынша пікірталасқа қатысуға мүмкіндік береді.