Іс-шара «Ұлттық рухани жаңғыру» ұлттық жобасын іске асыру аясында өткізілді.
Оған 40-тан астам бірінші курс студенттері, сондай-ақ «Шет тілдері» кафедрасының ПОҚ қатысты.
Іс-шараның мақсаты болашақ мамандардың «Алаш» партиясының қызметі туралы, сондай-ақ осы саяси қозғалыстың кезеңдері, міндеттері мен мақсаттары туралы білімдерін қалыптастыру болды.
Міндеттері: білім алушылардың танымдық белсенділігін, зияткерлігін дамытуға, ой-өрісін кеңейтуге ықпал ету; ұлттық сана-сезімін, ұлттық бірлікке тәрбиелеу.
Биылғы жылы еліміз «Алаш» партиясының құрылғанына 105 жыл толуын атап өтуде. Бұл — қазақ халқының тарихындағы айтулы оқиға. Алаш белсенділері ұлттық мемлекеттілікті қалыптастыру негізін қалады. ХХ ғасырдың басында пайда болған қозғалыс қазақ халқының ұлт-азаттық күресінің шыңына айналды. «Алаш» партиясы ұлттық демократияның бастауында тұрды.
Тәрбиелік іс-шара барысында студенттер қауымдастықтармен жұмыс істеді, «Алаш» партиясының алдына қойған мақсаттарын, сондай-ақ оның бағдарламасын талқылады, партия қайраткерлерінің өмірбаянын және олардың халық ағарту ісіне және мемлекеттілікті қалыптастыруға қосқан үлесін еске алды.
«Шет тілдері» кафедрасының шетелдік ғалымы Dr. Rab Nawaz Lodhi тәрбиелік іс-шараға қатысты, онда қатысушылардан Қазақстан тарихы туралы көптеген қызықты фактілерді білді, сондай-ақ өз кезегінде ол өз Отаны – Пәкістанның саяси құрылымы туралы айтты. Студенттер театрлық мизансцена дайындап, «Алаш идеясы және Қазақстанның тәуелсіздігі» тақырыбында сөз сөйлеп, «Алаш партиясының мұрасы» бейнебаянын көрсетті.
Оқу барысында университеттің студент жастары кәсіби құзыреттілікке ие болып қана қоймай, сонымен қатар қоғамдық пайдалы қызметке, пікірталасқа және еріктілер қозғалысына белсенді қатысады, жаңа Қазақстанның патриоттары ретінде тәрбиеленеді. Патриоттықтың маңызды шарттары ұлттық бірегейлікті сақтау, қоршаған әлемге жауапкершілікпен қарауға бағытталған әрбір азаматтың санасын жаңғырту, жергілікті және ұлттық деңгейлерде қоғамдық өмірге белсенді араласу, қатыстылық пен бастамашылық сезімін дамыту болып табылады.
