Студенттік ұйымдармен әлеуметтік серіктестік бағдарламасын іске асыру және студенттік өзін-өзі басқаруды дамыту аясында 2025 жылғы 16 мамырда академик Е.А. Бөкетов атындағы Қарағанды университетінің мемлекет және құқық теориясы мен тарихы кафедрасында Қарағанды техникалық университеті имени Абылқас Сағынов жанындағы «Саналы ұрпақ» студенттік клубының өкілі — Қайырбек Меруерт Сәбитқызының қатысуымен жұмыс кездесуі өтті. Кездесуге кафедра тарапынан кафедра меңгерушісі Бирманова Аксункар Исланбековна қатысты.
Кездесудің мақсаты 2025–2026 оқу жылына арналған әлеуметтік серіктестік бағдарламасын келісу және ынтымақтастықтың ықтимал нысандарын талқылау болды. Диалог барысында бірлескен жұмыстың негізгі бағыттары айқындалды, атап айтқанда: студенттердің құқықтық сауаттылығын арттыру, сыбайлас жемқорлыққа қарсы мәдениетті қалыптастыру, сондай-ақ студенттік бастамалар мен өзін-өзі басқаруды дамыту.
Бірлескен іс-шараларды — дәрістер, тренингтер, семинарлар, дөңгелек үстелдер ұйымдастыруға, сондай-ақ студенттерді ғылыми және ағартушылық жобаларға тартуға ерекше назар аударылды. Кездесу қорытындысы бойынша Әлеуметтік серіктестік бағдарламасы келісіліп, бекітілді, 2025–2026 оқу жылына арналған күнтізбелік жоспар нақты күндерімен, тақырыптарымен және жауапты орындаушыларымен бірге әзірленді. Тараптар ынтымақтастық туралы меморандумға қол қойып, жаңа оқу жылының басынан бастап бірлескен жобаларды іске қосу туралы шешім қабылдады. Кездесу жылы әрі сындарлы жағдайда өтті, кафедра мен студенттік клубтың өзара іс-қимылы жастардың белсенді азаматтық ұстанымын және сыбайлас жемқорлыққа қарсы дүниетанымын қалыптастыруға ықпал ететіні атап өтілді.
Бекітілген әлеуметтік серіктестік бағдарламасын іске асыру аясында 2025 жылғы 31 қазан мен 12 қараша аралығында «Саналы ұрпақ» студенттік клубы (ҚХА және ӘГП кафедрасы, «Абылқас Сағынов атындағы Қарағанды техникалық университеті» КЕАҚ) «Адалдық меннен басталады» атты жоғары оқу орындары арасындағы эссе байқауын өткізді. Байқаудың мақсаты студент жастар арасында адалдық, әділдік, жеке жауапкершілік қағидаттарын қалыптастыру, құқықтық сауаттылықты арттыру және сыбайлас жемқорлыққа қарсы мәдениетті дамыту болды.
Байқауға Қарағанды облысындағы үш жоғары оқу орнынан — Абылқас Сағынов атындағы Қарағанды техникалық университетінен, академик Е.А. Бөкетов атындағы Қарағанды ұлттық зерттеу университетінен және Қарағанды индустриялық университетінен барлығы 50 жұмыс қабылданды. Байқауға түрлі факультеттердің 1–5 курс студенттері қатысты.
Жұмыстарды бағалау бекітілген өлшемдерге сәйкес жүргізілді, олар ойдың түпнұсқалығы мен тереңдігі, тақырыпқа сәйкестік, дәлелділік, сауаттылық, мәтін құрылымы және техникалық талаптардың сақталуын қамтыды. Жасанды интеллект көмегімен орындалған немесе плагиат белгілері бар жұмыстар қарастыруға жіберілмеді.
Байқау қорытындысы бойынша қазақ және орыс тілдеріндегі жұмыстар арасында жеңімпаздар анықталды. Байқау нәтижелері қатысушыларға электрондық пошта арқылы жіберіліп, «Саналы ұрпақ» студенттік клубының Instagram әлеуметтік желісіндегі ресми парақшасында жарияланды. Байқау студенттердің жоғары деңгейдегі белсенділігін, адалдық пен сыбайлас жемқорлыққа қарсы мәдениет мәселелеріне саналы көзқарасын көрсетті.
Әлеуметтік серіктестік бағдарламасын іске асырудың жалғасы ретінде 2025 жылғы 1–12 желтоқсан аралығында Абылқас Сағынов атындағы Қарағанды техникалық университетінің «Саналы ұрпақ» студенттік клубы «Сыбайлас жемқорлыққа қарсы іс-қимыл: жастар көзқарасы» тақырыбында жоғары оқу орындары арасындағы бейнероликтер байқауын өткізді.
Байқаудың мақсаты — жастардың сыбайлас жемқорлыққа қарсы санасын қалыптастыру, азаматтық белсенділікті дамыту және сыбайлас жемқорлық көріністеріне төзбеушілікті арттыру.
Байқауға Қарағанды қаласының жоғары оқу орындарының студенттері, оның ішінде академик Е.А. Бөкетов атындағы Қарағанды ұлттық зерттеу университеті мен Абылқас Сағынов атындағы Қарағанды техникалық университетінің студенттері қатысты. Байқауға әлеуметтік бағыттағы авторлық бейнероликтер ұсынылды. Жұмыстарды бағалау тақырыпқа сәйкестік, идеяның түпнұсқалығы, орындау сапасы, әлеуметтік маңыздылығы және шығармашылық көзқарас өлшемдері бойынша жүзеге асырылды.
Байқау қорытындысы бойынша I, II және III орын алған жеңімпаздар анықталды. Жеңімпаздар мен қатысушылар дипломдармен марапатталды. Аталған іс-шара студенттік бастамалардың дамуына, жоғары оқу орындары арасындағы өзара ынтымақтастықтың нығаюына және жастардың сыбайлас жемқорлыққа қарсы дүниетанымын қалыптастыруда студенттік өзін-өзі басқарудың рөлін арттыруға ықпал етті.
Жалпы алғанда, әлеуметтік серіктестік бағдарламасын іске асыру білім беру ұйымдары мен студенттік құрылымдардың тиімді өзара әрекеттесуін көрсетіп, студенттердің құқықтық мәдениетін, азаматтық жауапкершілігін және белсенді өмірлік ұстанымын қалыптастыруға бағытталғанын дәлелдеді.
