Алғашқы нөмірі 1958 жылдың қараша айында жарық көрген бұл басылым университеттің оқу-әдістемелік және тәрбие жұмысын жетілдіруге зор үлес қосты. 47 жылдық тарихы бар газет беттерінде жоғары оқу орнының, студент жастар мен профессор-оқытушылар құрамының өзекті мәселелері кеңінен көрініс тапты. Ректорат пен қоғамдық ұйымдардың күш-жігері оқырмандарды адамгершілікке, отансүйгіштікке, эстетикалық талғамға тәрбиелеуге, университетіне деген құрметті арттыруға бағытталды. Газеттің әр жылдардағы редакторлары В. Рямзина (1958–1960 жж.), П. Казаков (1960–1965 жж.), О. Бажин (1970–1972 жж.), О. Яковлева (1973 ж.), А. Салтовская (1974–1987 жж.), А. Борисова (1987–1990 жж.), Н. Ваховская (1995–2000 жж.), С. Юсупова (2002 ж.) бүгінде алғыс сезімімен еске алынады.
Бүгінде газет студент жастар мен оқытушылар арасында өз сұранысын жоғалтқан жоқ. Көп тиражбен шығатын басылым беттерінде университет өміріндегі соңғы жаңалықтар, үздік студенттер мен дарынды оқытушылар туралы очерктер, сондай-ақ университет қауымдастығының өзекті мәселелерге қатысты пікірлері тұрақты жарияланып келеді. Әсіресе шығармашылық айдары үлкен танымалдыққа ие. Ол «техникалық» мамандық иелерінің арасында да шығармашыл тұлғалардың бар екенін айқын көрсетеді.
- «Политехникалық білім үшін» газетінің мұрағаты 2021 ж
- «Политехникалық білім үшін» газетінің мұрағаты 2020 ж
- «Политехникалық білім үшін» газетінің мұрағаты 2019 ж
- «Политехникалық білім үшін» газетінің мұрағаты 2018 ж
- «Политехникалық білім үшін» газетінің мұрағаты 2017 ж
- «Политехникалық білім үшін» газетінің мұрағаты