Салтанатты іс-шара 2022 жылдың 24 маусымында «Өндірістік процестерді автоматтандыру» кафедрасының 60-жылдық мерейтойына орай өткізілді. Кафедра ЖОО негізін қалаушы-Социалистік Еңбек Ері, академик Әбілқас Сағынұлы Сағыновтың серіктерінің бірі болған, техника ғылымдарының докторы, профессор Владимир Филиппович Бырьканың есімімен аталады.
Кафедраның дамуының негізгі кезеңдері Басқарма Төрағасы — Әбілқас Сағынов атындағы Қарағанды техникалық университетінің ректоры, техника ғылымдарының докторы, профессор, ҚР ҰҒА құрметті академигі, ҚР Әл-Фараби атындағы Мемлекеттік сыйлығының лауреаты Ибатов М. К. кіріспе сөзінде көрініс тапты. Кафедраның негізін қалаушы Владимир Филиппович Бырькаға құрмет көрсете отырып, ол кафедраның дамуына, оның заманауи ғылыми мектебінің қалыптасуына, халықаралық ғылыми-білім беру жобаларын жүзеге асыруға, әлемдік деңгейдегі оқу-ғылыми базаны құруға, өндіріспен байланысты нығайтуға қосқан техника ғылымдарының докторы, профессоры Иосиф Вульфович Брейдоның үлкен үлесін атап өтті.
Бүгінгі таңда кафедра бакалавриат, магистратура және PhD докторантураның білім беру бағдарламалары бойынша өндіріске қажетті мамандарды дайындайды. Мамандарды даярлау жетекші трансұлттық корпорациялардың — «Festo», «Siemens», «Schneider Electric», «Mitsubishi Electric» және басқалардың жабдықтары негізінде жүргізіледі. «Индустрия 4.0» ғылыми-білім беру кешенінің базасында кафедра ҒЗТКЖ орындайды, оның ішінде студенттердің, магистранттардың және докторанттардың қатысуымен өнеркәсіп үшін импортты алмастыратын өнімдер шығаратын шағын кәсіпорын бар. Кафедра 10 жылдан астам уақыт «Sinergy-Festo» және ШЫҰ университетінің халықаралық білім беру жобаларына қатысып келеді. Кафедра түлектері «АрселорМиттал Теміртау» АҚ, «Қазақмыс корпорациясы» ЖШС, «Жәйрем КБК» АҚ, «КEGOС» АҚ және басқа кәсіпорындарда табысты еңбек етуде. Кафедрада «Электр энергетикасы» бағыты бойынша PhD докторы ғылыми дәрежесін алу үшін диссертация қорғау бойынша диссертациялық кеңес жұмыс істейді. 2022 жылдың 13 маусымында өткен университеттің Ғылыми кеңесінде Брейдо И.В. есімін «Индустрия 4,0» ғылыми-білім беру кешеніне беру туралы шешім қабылданды.
Өзінің кіріспе сөзінің соңында Марат Кеңесұлы кафедраның дамуына өз үлесін қосқан барлық басқа көз жұмған оқытушылар мен қызметкерлерді бір минут үнсіздікпен еске алуды ұсынды.
ӨПА кафедрасының бұрынғы түлегі, Халықаралық ақпараттандыру академиясының академигі, техника ғылымдарының докторы, профессор Фешин Б.Н. естеліктерімен бөлісе отырып, кафедра басшыларының арқасында әрқашан заман көшінен қалмай, көш ілгері басып келе жатқанын ерекше атап өтті. Сөз соңында ол ӨПА кафедрасының мерейтойына орай шығарылған кітапты университетке сыйға тартты. Марат Кеңесұлы уәде еткендей, ол университет мұражайында лайықты орын алады.
«Синергия» халықаралық университеттік желілік жобасы Директорлар кеңесінің төрағасы, Устинов атындағы Балтық мемлекеттік техникалық университетінің (РФ) бірінші проректоры, техника ғылымдарының докторы, профессор Стажков С.М. бейнеқұттықтауы тосын сый болды. Бірнеше жылдан астам уақыт бойы таныс болған И.А. Брейдоға құрмет көрсете отырып, Сергей Михайлович оның шәкірттері мен ізбасарлары өздерінің ұстаздары мен тәлімгерлеріне лайықты бола алатынына сенім білдірді.
Кафедра ұжымын құрметті қонақ, техника ғылымдарының кандидаты, доцент, академиялық мәселелер жөніндегі проректор – Қарағанды индустриялық университетінің басқарма мүшесі Г.А. Сивякова құттықтады.
В.Ф.Бырьканың жиені – Ю.Н. Бырька да өзінің туған ӨПА кафедра ұжымын мерейтойымен құттықтап, өзінің ізашарларына лайықты болуын тіледі.
И.В. Брейдо туралы фильмнің көрсетілімі үлкен қызығушылықпен қабылданды. «Ғалым. Тәлімгер. Ақын» атты шығармасын шәкірттері дайындаған. Аз ғана уақыттың ішінде өмірін ғылымға, жоғары білімге арнаған, ақындық шығармашылыққа әлі де уақыт таба алмай жүрген азаматтың өмірі экранда жарқ етті.
Одан кейін Кузбасс мемлекеттік университетінің энергетика институтының директоры И.Ю. Семыкина (бейнеқұттықтама); рухани-адамгершілік тәрбие жөніндегі университеттік кеңестің төрағасы, кафедра профессоры К.Б. Қызыров; «Қолжетімді баспана» АҚ Бас директоры О.А. Ким; университет түлектері қауымдастығының атқарушы директоры, КТжЛЖ кафедрасының профессоры Т.С. Ынтықов; Университеттің Сараптама кеңесінің төрағасы, профессор В.С. Портнов, АТҚ кафедрасының профессоры С.Х. Есенбаев; Энергетика, автоматика және телекоммуникация факультетінің деканы, қауымдастырылған профессор Ф. Н.Булатбаев және басқалары, соның ішінде жақын және алыс шетелдерде тұратын кафедраның бұрынғы түлектері құттықтау жолдады.
Десек те, ғылымға деген сүйіспеншілік пен адалдық біріктірген, бұрынғы ұстаздары мен тәлімгерлерін еске алып, ардақтайтын адамдарды шекара да, қашықтық та, дін айырмашылығы да ажырата алмайды. Ал ӨПА кафедрасының мерейтойы осының тағы бір дәлелі. Құттықтауларға қосыламыз және кафедра мен жалпы университетке жаңа табыстар тілейміз! Бұл жетістіктер осындай тату, ұйымшыл және жұмысқа қабілетті ұжыммен ұзақ күтуге мәжбүр етпейтініне сенімдіміз!
