Әбілқас Сағынов атындағы Қарағанды техникалық университетінің Business Skills Park базасында «Тау-кен өндірісінің өзекті мәселелерін цифрлық трансформациялау» атты халықаралық ғылыми-тәжірибелік семинар өтті.
Семинарға 100-ден астам адам қатысты. Олардың арасында-ірі тау-кен кәсіпорындарының, ғылыми-өндірістік және жобалау компанияларының өкілдері бар: «Қазақмыс корпорациясы» ЖШС, «Арселор Миттал Теміртау» АҚ, «Шұбаркөл Көмір» АҚ, «Қостанай минералдары» АҚ, «Қазгеология» АҚ, «Қаражыра» АҚ, «Davey Bickford» ЖШС, «Mining Research Group» ЖШС, «DIPCO» ЖШС, «Гео Инжиниринг» ЖШС, «AlGeoRitm» ЖШС, «НПП Интеррин» ЖШС, «Карагандагипрошахт и К» ЖШС, «ИПКОН» ЖШС, «Қазақмыс Коал» ЖШС, «Nova Цинк» ЖШС, K-MINE( Украина), Алмалық тау-кен металлургия комбинаты АҚ (Өзбекстан). Жоғары оқу орындары Nazarbayev University, Satbayev University, Ө.Байқоңыров атындағы Жезқазған университетінің, Екібастұз инженерлік-техникалық институтының және Украина ұлттық техникалық университетінің жетекші ғалымдарымен таныстырылды.
Семинардың модераторы «Әбілқас Сағынов атындағы Қарағанды техникалық университеті» КЕ АҚ «Пайдалы қазбалар кен орындарын игеру» кафедрасының меңгерушісі, PhD, қауымдастырылған профессор Имашев А.Ж. болды.
Семинар шеңберінде қатысушылар Қазақстан, Украина және Қырғызстанның тау-кен өндіру кәсіпорындарында заманауи цифрлық шешімдерді трансформациялау бойынша ғалымдар мен жетекші мамандар ұсынған табысты іске асырылған жобаларды талқылады. Сондай-ақ, K-MINE компаниясының техникалық мамандарының мастер-кластары мен жеке консультациялары өткізілді.
