23 жыл қатарынан Әбілқас Сағынов атындағы Қарағанды техникалық университеті жыл сайынғы Түлектер жәрмеңкесін өткізеді.
Биылғы жылы ЖОО-ның 70 жылдық мерейтойы ретінде аталмыш іс-шара 7-8 желтоқсанға жоспарланған.
Жәрмеңкені өткізудің мақсаты «ЖОО түлегі – жұмыс беруші» нәтижелі өзара іс-қимыл жасау болып табылады. Жәрмеңке 136 білім беру бағдарламасы бойынша сұранысқа ие кәсіби құзыреттілікке ие Әбілқас Сағынов атындағы ҚарТУ түлектерімен жұмыс беруші компаниялардың жоғары білікті мамандарына қызығушылық танытқан кең ауқымда кездесуге мүмкіндік береді.
Тікелей кездесу барысында жұмыс берушілер ізденушілерді бос жұмыс орындарымен таныстыра алады және жаңа буынның инженерлік-техникалық кадрларымен толықтыру үшін қажетті үміткерлерді іріктей алады.
Биыл Жәрмеңке жұмысына 1800-ден астам ЖОО түлектері және 120-дан астам өнеркәсіптік компаниялар қатысады, олардың ішінде «АрселорМиттал Теміртау» АҚ, «Қазақмыс» корпорациясы» ЖШС, «Шұбаркөл көмір» АҚ, «Пархоменко атындағы ҚМЗ» АҚ, «Имсталькон» АҚ, КЛМЗ «Maker» ЖШС, «Jusan Bank» АҚ, «GeolProject» ЖШС, «Ж.Әбішев атындағы Химия-металлургия институты» ЕМК, «ЕРАМ Kazakhstan» ЖШС, «ҚТЖ – ГП» ЖШС, «Коплексті сараптама компаниясы» ЖШС, «Қазпромавтоматика» ЖШС және тағы басқалар сияқты жүйе құраушы кәсіпорындар бар
Жәрмеңкені өткізудің көп жылдық тәжірибесі жұмыс берушілермен өзара іс-қимылдың бұл түрі жұмысқа орналастыру мәселелерін шешудің тиімді тетігі болып табылатынын көрсетеді. Бүгінгі күні әлеуметтік төлемдердің Ведомствоаралық есеп айырысу орталығының деректері бойынша 2022 жылғы түлектерді жұмысқа орналастыру 93% құрады.
Жәрмеңкенің өтетін уақыты мен орны 1 және 2-қосымшаларда көрсетілген.