Әбілқас Сағынов атындағы Қарағанды техникалық университетінің базасында «Summer Science School» жазғы лагерінің құю өндірісі мен нанотехнология негіздеріне арналған бесінші күні өтті. Мектеп оқушылары бітіруші кафедраның пәндік аудиторияларымен және оқу-ғылыми зертханаларымен, сонымен қатар Халықаралық материалтану орталығымен, Ыстыққа төзімді материалдар орталығымен және «Нанотехнологиялар мен металлургия» ғылыми-білім беру кешенімен танысты. Экскурсия барысында жастар көптеген қызықты нәрселерді білді, кафедра ғалымдарымен әңгімелесіп, олардың ғылыми жетістіктерімен, өңірдің дамуына қосқан үлесімен танысты.
Кафедра меңгерушісі, профессор В.Ю. Куликов «Нанотехнологияның қазіргі жағдайы» тақырыбында оқушыларға кіріспе дәріс оқыды. Кіріспе дәрістен кейін оқушыларға кафедра зертханаларындағы жабдықтар мен аспаптардың мүмкіндіктері көрсетілді. Оқушылар кейінірек өздеріне көрсетуге ұсынылған фигураларды құю процесіне белсене қатысты.
