15 желтоқсанда Ә. Сағынов атындағы Қарағанды техникалық университетінде Академиялық мәселелер жөніндегі проректор Бекболат Нүсіпбековтің қатысуымен және сыбайлас жемқорлыққа қарсы комплаенс-қызметімен бірлесіп, жоғары оқу орнының декандары мен кафедра меңгерушілеріне арналған семинар-кеңес өтті. Іс-шара сыбайлас жемқорлыққа қарсы заңнаманы сақтау мәселелеріне арналды.
Атап айтқанда, қаржылық тәртіпті қамтамасыз ету, шығындарды бақылау, қаражатты үнемдеу, сондай-ақ қолданыстағы өкілеттіктер шеңберінде ішкі нормативтік құжаттардың уақытылы әрі сапалы орындалуын қамтамасыз ету мәселелері талқыланды.
Сонымен қатар, кездесуде білім беру қызметтерінің сапасын арттыру және білім беру үдерісіне қатысты өзге де өзекті мәселелер көтерілді.
