Құрметті студенттер!

Сіздерге 2025–2026 оқу жылының көктемгі семестрінде академиялық ұтқырлық бағдарламасы аясында Ресей жоғары оқу орындарында оқуға құжаттар қабылдау ашылғанын хабарлаймыз:

  1. Томск политехникалық университеті
    (Томск қ., Ресей) – https://abiturient.tpu.ru/bachelor
  2. Уфа мемлекеттік мұнай техникалық университеті
    (Уфа қ., Башқұртстан Республикасы, Ресей) – http://www.pk.rusoil.net/page/perechen-programm-bakalavriata-i-specialiteta
  3. Санкт-Петербург мемлекеттік сәулет-құрылыс университеті
    (Санкт-Петербург қ., Ресей) – https://www.spbgasu.ru/applicants/areas-of-training/
  4. Орал мемлекеттік тау-кен университеті
    (Екатеринбург қ., Ресей) – https://abit.ursmu.ru/importante/napravlenii-podgotovki.html
  5. Н.Э. Бауман атындағы Мәскеу мемлекеттік техникалық университеті
    (Мәскеу қ., Ресей) – https://bmstu.ru/bachelor/majors
  6. Тюмень индустриялық университеті
    (Тюмень қ., Ресей) – https://www.tyuiu.ru/abitur/bachelor/
  7. Иркутск ұлттық зерттеу техникалық университеті
    (Иркутск қ., Ресей) – https://www.istu.edu/deyatelnost/obrazovanie/urovni
  8. Санкт-Петербург мемлекеттік университеті
    (Санкт-Петербург қ., Ресей) – https://spbu.ru/postupayushchim/programms/bakalavriatҮміткерлерге қойылатын талаптар:

    • бакалавриаттың 2, 3 курс студенттері (грант және келісімшарт негізінде оқитындар);
    • ағымдағы GPA – 3.0 және одан жоғары;
    • орыс тілін меңгеру;
    • мамандықтың сәйкес болуы.

    Қажетті құжаттар тізімі:

    1. кафедра меңгерушісі мен факультет деканының қолы бар ұсыным хаттар;
    2. үлгерім транскрипті (https://ssc.kstu.kz/reference-student);
    3. жеке куәлік немесе паспорт көшірмесі;
    4. мектеп аттестаты мен қосымшасының көшірмесі.

    Қосымша (бар болған жағдайда):

    • көп балалы отбасын растау туралы анықтама;
    • ата-анасыз қалған немесе жетім студент екенін растайтын құжат;
    • мүгедектікті растайтын анықтама;
    • республикалық немесе халықаралық деңгейдегі байқаулар мен іс-шараларға қатысқандығын растайтын сертификаттар, дипломдар және грамоталар.

    Қабылдаушы университеттің талап етуі бойынша қосымша құжаттар сұралуы мүмкін.

    Іріктеу кезінде тең ұпай жинаған жағдайда басымдық беріледі:

    1. GPA көрсеткіші жоғары үміткерлерге;
    2. шет тілін жоғары деңгейде меңгерген үміткерлерге;
    3. ата-анасыз қалған немесе жетім студенттерге;
    4. бала кезінен мүгедектерге және мүгедек балаларға;
    5. көп балалы отбасылардан шыққан студенттерге.

    Шығындардың бір бөлігі университеттің бюджеттен тыс қаражаты есебінен өтеледі (жол жүру, тұру және медициналық сақтандыру шығындары).

    Құжаттар 2025 жылғы 7 қарашаға дейін университеттің бас ғимараты, 241-кабинетте қабылданады.

Без рубрики