Экскурсия барысында вице-министр «Нанотехнология және металлургия», «Энергетикадағы цифрлық технологиялар» және «Тау-кен ісінде цифрлық технологиялар» ғылыми-білім беру кешендерін аралап көрді. Сондай-ақ «Минералдық шикізатты кешенді игеру» және «Метан энергетикасы» инженерлік профиліндегі зертханаларының жұмысымен танысты.
Гүлзат Көбеноваға жасанды интеллект технологияларын дамыту және IT-жобаларды жүзеге асыруға бағытталған ИИ-зертханасының жұмысы баяндалды. Экскурсия аясында «Schneider Electric» және Mitsubishi Electric – Казпромавтоматика авторлық оқыту орталықтары, Лазерлік геосканерлеу орталығы, Халықаралық материалтану орталығы, Дәнекерлеу институты және жақында ашылған Эко-хаб алаңы көрсетілді.
Университетпен танысу барысында вице-министрге жүзеге асырылып жатқан гранттық жобалар, заманауи жабдықтар, әзірлемелер мен стартаптар туралы да мәлімет берілді.
Вице-министр университеттің жоғары ғылыми әлеуеті мен білікті кадрларының мүмкіндіктерін, сондай-ақ инновациялық жобаларды дамыту және технологияларды енгізу бағытындағы жұмысын жоғары атап өтті.
