31 қазанда QarTech хабы қызметі аясында Әбілқас Сағынов атындағы Қарағанды техникалық университеті базасында кәсіпкер және қоғам қайраткері, Light Engineering сыртқы жарықтандыру тіректері мен LED-шамдарын шығаратын зауыттың негізін қалаушысы және басшысы Дамир Каюмовтың қатысуымен эксперттік сессия өтті. Дамир Ирекович – Saginov Technical University түлегі, PhD доктор.
Кездесуді университеттің Коммерцияландыру кеңсесінің жетекшісі Рустам Бузяков ашып, өңірдің инновациялық дамуын жеделдетуде ғылым, білім және өнеркәсіп арасындағы әріптестіктің маңыздылығын атап өтті.
Кездесу барысында спикер Light Engineering құру және масштабтау тәжірибесімен бөлісті, инновациялар мен өнеркәсіптік автоматтандыру элементтерін – роботтандырылған желілерді, сапаны бақылаудың зияткерлік жүйелерін және өндірісті цифрландыруды енгізу туралы айтты.
Ол кәсіпорынның жетістігі халықаралық тәжірибелер мен отбасылық инженерлік дәстүрлерді зерттеуге негізделгенін атап өтті – ол бесінші буын инженері.
Сондай-ақ, Дамир Ирекович қатысушыларға өзін-өзі дамыту және инженерлік ойлауды қалыптастыру бойынша практикалық кеңестер беріп, қазіргі заманғы өндіріс үнемі оқу және инновацияларға ашықтықсыз мүмкін еместігін атап өтті.
Ашық Q&A сессиясы барысында қатысушылар экспертпен технологиялық кәсіпкерлік, көшбасшылық және инженерлік құзыреттілік мәселелерін талқылады. Іс-шара отандық өнеркәсіп пен инновациялардың болашағына мүдделі 50-ден астам қатысушыларды – студенттер, инженерлер, оқытушылар мен стартаперлерді біріктірді.
Кездесу соңында Дамир Ирековичке QarTech қауымдастығының дамуына қосқан үлесі үшін Алғыс хат пен сыйлыққа STU мерчі табысталды.
#QarTech #QarTechHub
