Әбілқас Сағынов атындағы ҚарТУ базасында «Сәулет және дизайн» кафедрасы ұйымдастырған олимпиадаға өңірдің, сондай-ақ Өскемен қаласының 30 оқу орнынан 52 жұмыс жіберілді.
Қорытындылау алдында олимпиада қатысушыларымен және олардың тәлімгерлерімен университет кампусы бойынша экскурсия өткізілді.
Қонақтар жоғары оқу орнының негізін қалаушы — Социалистік Еңбек Ері, академик А.С. Сағыновқа арналған мемориалдық кешенмен танысты, Екатеринбургте өзінің сәулеттік егізі бар екені белгілі болған бас ғимаратта болып, университет кітапханасымен және оқу залымен, студенттік жатақханалармен танысты. «Сәулет және дизайн» кафедрасында оқушылар студенттердің дипломдық жобаларын зерттеді, сондай-ақ көрме залына барды, онда қарағандылықтарға жақсы таныс, қаланы безендірген және оған ерекше көрініс берген ғимараттардың макеттері ұсынылды.
Экскурсия барысында оқушылар көптеген жаңа нәрселерді, атап айтқанда, ескі ғимараттар қазіргі заманғы ғимараттарға қарағанда қызықты көрінетіні, бүгінгі таңда көз қуантатын бір кездегі сәулеттік қайталанбастық құрылыс қарқынын тежейтін артықшылық деп саналғаны, әр түрлі жоғары оқу орындарының бірдей кафедраларында климаттық жағдайларды ескеретін әртүрлі білім беру бағдарламалары бар екені, мәселен, егер Алматыда құрылыстарды салуды және оның сейсмикалық тұрақтылығын есепке алу үйретілсе, онда бізде, Қарағанды мен облыста энергия үнемдеуші фактор бірінші орынға шығатыны, бүгінгі таңда құрылыс кезінде мүмкіндігі шектеулі адамдардың өмірін жеңілдету үшін басқа талаптармен қатар пандустар мен лифтілерді орнатуды қамтамасыз ету қажет екендігі туралы білді.
Байқау қорытындысы бойынша Қарағанды қаласынан — 15, Қарағанды облысынан — 8, Өскемен қаласынан 1 оқушы жүлделі орындарға ие болды.
Барлық балалар Облыстық олимпиадаға қатысқандарын растайтын сертификаттар алды. Олардың көпшілігі уақыты келгенде бәсекеге қабілетті мамандарды даярлау даңқына ие болған біздің университетке оқуға түсетініне сенімдіміз. Сонымен қатар, соңғы жылдары шығармашылық мамандықтар бойынша бөлінетін гранттар саны едәуір өсті. Яғни сәулетшілер мен дизайнерлерге сұраныс артып келеді. Бірақ сонымен бірге өте маңызды және табанды оқуға дайындалу керек. Онсыз ешқандай салада жақсы маман бола алмайды. Егер қиындықтарға дайын болсаңыз, біздің университетке қош келдіңіз! Сізді өз студенттеріміздің арасында көруге әрқашан қуаныштымыз.
