2022 жылдың 6 желтоқсанында «Әбілқас Сағынов атындағы Қарағанды техникалық университеті» ҚЕАҚ, «Химия және химиялық технология» кафедрасының оқытушылары мен студенттері «Мектепке жол» акциясы аясында Пришахтинск қаласында аз қамтылған, көп балалы отбасына көмек көрсетті. Балаларға оқу құралдары (рюкзактар, калькуляторлар, қаламдар, дәптер), сонымен қатар қажетті азық-түліктер сатып алынды. Қайырымдылық шараларына атсалысқан оқытушыларымыз бен студенттерімізге ата-аналар шексіз алғыстарын білдірді.
Акцияның мақсаты – аз қамтылған, көп балалы отбасылардан шыққан, жетім және ата-анасының қамқорлығынсыз қалған, мүмкіндігі шектеулі балаларға жаңа оқу жылының басталуына дайындық кезінде оларға нақты атаулы көмек көрсете отырып, оларға қолдау көрсету.
