14 қарашада Әбілқас Сағынов атындағы Қарағанды техникалық университетінің базасында QarTech өңірлік инновациялық-индустриялық хабы аясында «ESG-трансформация: ғылым мен индустрия үшін табыстың жаңа формуласы» атты эксперттік семинар өтті.
Басқарма мүшесі – Ғылым және инновациялар жөніндегі проректор Али Мехтиев кіріспе сөз сөйлеп, ESG-трансформацияның бүгін бірінші орынға шығып, ғылым мен индустрияның табысының жаңа формуласына айналып келе жатқанын атап өтті. Оның айтуынша, тұрақтылық қағидаттары мен Тұрақты даму мақсаттарын интеграциялау бәсекеге қабілеттіліктің маңызды шарты әрі өңірдің инновациялық өсімінің негізгі драйвері болып отыр.
Іс-шараның спикері:
Тельман Шуриев – «Қазахмыс Корпорациясы» ЖШС-нің Үкіметпен байланыс (GR) және салалық әріптестік жөніндегі департаментінің директоры.
Қатысушылар ESG күн тәртібінің негізгі аспектілері бойынша жан-жақты шолу алды: жаһандық үрдістер, ғылыми тәсілдер және индустриялық практикалар. Дәрістер сериясы аясында олар экологиялық, әлеуметтік және корпоративтік басқару қағидаттарының әлемдік дамудың жаңа моделін қалай қалыптастыратынын, тұрақты өсім үшін инновациялар мен цифрлық шешімдерді ілгерілетудегі ғылым мен технологияның рөлін, сондай-ақ ESG-дің өнеркәсіпті жаңғыртуға, «жасыл» технологияларды енгізуге және жаңа мамандықтардың пайда болуына әсерін қарастырды.
Семинарға 25-тен астам адам – оқытушылар, зерттеушілер және өнеркәсіптік компаниялардың өкілдері қатысты. Бұл шараның күн тәртібіне деген қызығушылықтың артып келе жатқанын көрсетті.
#QarTech #QarTechHub
