Халықаралық ынтымақтастық «Маркшейдерлік іс және геодезия» кафедрасы қызметінің маңызды және үнемі дамып келе жатқан бағыттарының бірі болып табылады.
Кафедра Германияның жоғары оқу орындарымен бұрыннан тығыз шығармашылық және ғылыми байланыстарға ие, оның ішінде т.ғ.д., проф. Б.Резниктің жетекшілік ететін Берлин Жоғары техникалық мектебі бар.
«Құрылыс және геодезияның пәнаралық ортасындағы ынтымақтастық» Германия академиялық алмасу қызметін гранттық қаржыландыру шеңберінде кафедра оқытушылары — т.ғ.д., проф. Долгоносов В.Н., т.ғ.к., доц. Старостина О.В., PhD докторы Ожигин Д.С., аға оқытушы Сатбергенова А.К. 2023 жылғы 6-18 қазан аралығында осы ЖОО-да ғылыми тағылымдамадан өтуде.
Бірлескен жұмыс нәтижелері бойынша т.ғ.д., проф. Долгоносов В.Н. «Үш білікті қысу жағдайында сазды топырақтардың реологиялық қасиеттерін зерттеу» тақырыбында, т. ғ. к., доц. Старостина О.В. – «Карьерлердегі және өнеркәсіптік инфрақұрылым объектілеріндегі деформациялық процестердің мониторингі жүйесін әзірлеу» тақырыбында Scopus базасында жоғары рейтингтік журналда мақала жариялайды, PhD докторы Ожигин Д.С. «Өлшеудің спутниктік әдістері» оқу құралын шығарады, аға оқытушы Сатбергенова А.К. ағылшын тілінде «Remote sensing of the Earth»оқу құралын шығарады.
