ТЖ бойынша оқу-жаттығуларды өткізу барысында өрт және өзге де ТЖ туындаған жағдайда адамдарды эвакуациялауды ұйымдастыру және жүргізу бойынша университетің АҚ құрылымдарының басшы және жеке құрамының дайындығы тексерілді.
ТЖ жаттығуларының негізгі мақсаттары мыналар болды:
- ТЖ жағдайында лауазымды тұлғалар мен қызметкерлердің іс-қимылын жетілдіру;
- ТЖ зардаптарын жою кезінде құтқару және басқа да шұғыл жұмыстарды орындауға АҚ құрылымдарының — өрт сөндіру және қоғамдық тәртіпті қорғау буындары құрылымдарының дайындық дәрежесін тексеру;
- автоматты өрт дабылы жүйелерінің, ішкі өртке қарсы су құбырының және т.б. жұмысқа жарамдығы.
ТЖ бойынша оқу-жаттығу өткізілетін орын, Университеттің АҚ бастығының орынбасары-инфрақұрылымды дамыту жөніндегі директор Г.Н.Мусинаның басшылығымен №4 оқу корпусы белгіленді.
Оқу-жаттығулар өрт дабылы датчиктерінің қатты түтін нәтижесінде іске қосылуын, содан кейін күзет қызметкерлері «анықтаған» өрттің жануынан басталды. Қоғамдық тәртіпті қорғау буынының жедел әрекеттерінің арқасында адамдарды ғимараттан жылдам эвакуациялау жүргізілді. Бұл жоспар бойынша бөлінген 3 минутты алды. Оқу корпусының жанында бөгде адамдардың қауіпті аймаққа кіруіне жол бермейтін күзет периметрі құрылды. Өрт сөндіру буындарын эвакуациялаумен қатар ішкі өрт крандары мен ОП-10 ұнтақты өрт сөндіргіштерінен су беру арқылы «өрт» ошақтарын жоюға кірісті.
Санитарлық жасақ та толық дайындықта болды. Жаттығуда зардап шеккендер болған жоқ. Бірақ осы мүмкіндікті пайдалана отырып, дәрігерлер зардап шеккендерге жақын жердегі адамдар қандай алғашқы көмек көрсете алатынын нақты көрсетті. Олар сенімді түрде басты қалай таңуға болатынын, дұрыс жасанды тыныс алу жасауды көрсетті.
Өрт сөндіргішпен өртті сөндіру сынағы оқу-жаттығудың барлық қатысушыларының ерекше қызығушылығын тудырды. Теориялық тұрғыдан алғанда, барлығы дерлік оны қалай пайдалану керектігін біледі. Бірақ білгендерін іс жүзінде қолданғандар шамалы. Барлық ниеттілерге өрт сөндіргішті алып, арнайы жағылған кішкене отты сөндіріп көру ұсынылды. Тіпті нәзік жандардың өздері де бұл тапсырманы орындап шықты.
Өрт сөндіргіштерді пайдалану кезінде де, осындай қол жетімді және көрнекі түсініктемеден кейін медициналық көмек көрсету кезінде де еш қиыншылық жоқ екені белгілі болды. Осындай қауырт жағдайда әркім біреудің өмірін сақтап қалу үшін өз дағдыларын, білімдері мен білгендерін қолдана алатына білу үшін осындай жаттығулар өткізіледі. Іс-шара барысында барлық жоспарланған іс-қимылдар пысықталып, қойылған міндеттер сәтті орындалды.
