Әбілқас Сағынов атындағы Қарағанды техникалық университеті үшін атаулы жыл, ЖОО-ның 70 жылдық мерейтойы жылында, студенттеріміз бізді өз жетістіктерімен қуантуды жалғастыруда.
Ресей, Әзірбайжан, Беларус, Қазақстан және Өзбекстан студенттерімен бірге олар техникалық университеттердің білім алушыларына арналған «Инженердің өркениетті дамытудағы рөлі: өткен шақ, қазіргі және болашақ» тақырыбындағы халықаралық шет тіліндегі эссе байқауына қатысты.
Мәскеу автомобиль-жол мемлекеттік техникалық университетінің (МАЖИ) базасында өткізілген байқауға ағылшын, неміс, француз және орыс (шет тілі ретінде) тілдерінде 200-ден астам эссе ұсынылды.
- «Тақырыпты жариялауға ғылыми көзқарас» номинациясында I орынды Ахметов Ақжол иеленді.
- «Өз ұстанымын дәлелдеу» номинациясында II орынды Тәжікеев Марғұлан иеленді.
Біздің студенттердің жұмыстары «Орыс тілі және мәдениеті» кафедрасының меңгерушісі Ж.А. Әзімбаеваның басшылығымен орындалды.
Байқаудың барлық қатысушыларына алғысымызды білдіреміз және жеңімпаздарды құттықтаймыз!
