Тәрбиелік іс-шара 6 желтоқсан күні сағат 10.55-те №1 оқу ғимаратының 421 аудиториясында өтті. Шараға 50-ден астам студенттер, сонымен қатар Шетел тілдері кафедрасының оқытушылары қатысты.
Қазіргі қоғамда денсаулық мәселелері, әсіресе жұқпалы аурулармен байланысты мәселелер ерекше назар аударуды қажет етеді. Бұл тұрғыда студенттерді тәрбиелеуге бағытталған оқу іс-әрекеті салауатты өмір салтын қалыптастырудың және әлеуметтік жауапкершілікті дамытудың негізгі құралына айналады. Осындай іс-шаралардың бірі студенттердің мамандандырылған орталықтың қабылдау дәрігерімен бірлесіп өткізген «Мен АИТВ/ЖИТС жайлы не білмеймін?» тақырыбындағы дөңгелек үстел болды.
Іс-шара қатысушылардың АИТВ/ЖИТС туралы нанымдарын талқылаған өзіндік рефлексиясынан басталды. Оқытушы С.Х.Айтбаева жүргізген бұл кезең пікір алмасу алаңын құруға және ашық диалогты дамытуға мүмкіндік берді. Келесі кезекте сахнаны шақырылған қонақ, Қарағанды облыстық ЖИТС-тің алдын алу және оған қарсы күрес орталығының дәрігері Ирина Александровна Венчикова алып, аурудың барлық аспектілерін қамтитын терең презентациямен таныстырды.
Студенттер АИТВ/ЖИТС туралы негізгі мәліметтерді алып қана қоймай, сонымен қатар жұғу жолдары, қорғану әдістері және пациенттерге қолдау көрсетудің маңыздылығы туралы білді. Дәрігер ұсынған қоғамдық бейнеролик қатысушыларға аурудың психологиялық аспектілерін жақсы түсінуге мүмкіндік беретін эмоционалды компонентті қосты.
Келесі кезекте студенттер оқытушы С.К.Маулетованың жетекшілігімен ағылшын тілінде презентация жасап, өтілген материалмен белсенді түрде бөлісті. Бұл кезең ақпаратты терең меңгеруге және коммуникативті дағдыларды дамытуға ықпал етті. Оқытушы Р.Ж.Бабжанованың баяндамалардан кейін өткізген викторинасы тек алған білімдерін шыңдап қана қоймай, қатысушыларды белсенділік танытып, материалды жақсы меңгеруге талпынуға түрткі болды.
Іс-шараның қорытынды кезеңін аға оқытушы Ярема Т.В. жүргізді. Жағдаяттарды қамтитын тапсырмаларды студенттер шағын командаларда шешті. Жұмыстың бұл түрі ұжымдық ойлауды ынталандырып, мәселелерді практикалық деңгейде талқылауға ықпал етті.
Іс-шараны қорытындылай келе, ол студенттердің АИТВ/ЖИТС туралы білімдерін байытып қана қоймай, білім беру ортасында денсаулықты сақтау үшін тәрбиелік іс-шаралардың маңыздылығына тоқталғанын атап өтуге болады. Білімділік пен белсенді қатысуды дамыта отырып, студенттер аурудың алдын алуға және салауатты қоғамдастыққа үлес қоса алатын ақпараттандырылған және жауапты азаматтарға айналады.
