Қала, облыс және ел мектептерінің үздік түлектері жоғары деңгейдегі техникалық білім беруді таңдады. Биыл Әбілқас Сағынов атындағы Қарағанды техникалық университетіне 3 мыңға жуық білім алушы, оның ішінде 1396 мемлекеттік білім беру гранты бойынша оқуға түсті.
Осы күні 70 жыл бойы мыңдаған талапкерлер үшін бұл мереке ҚарТУ қабырғасында қызықты әрі толыққанды студенттік әлемге жол ашады. Қалыптасқан жақсы дәстүр бойынша іс-шара ҚарТУ негізін қалаушы академик А.С. Сағыновтың құрметіне орнатылған ескерткішке гүл шоқтарын қоюдан басталды.
Осыдан кейін университет ректоры Марат Кеңесұлы Ибатов бірінші курс студенттеріне арнап салтанатты сөз сөйледі. Онда ол ҚарТУ-дың отандық жоғары білім саласындағы жетістіктерін ғана емес, сонымен қатар біздің университет түлектерінің шетелге деген сұранысын да атап өтті. Әсіресе Марат Кеңесұлы жас мамандардың заманауи кәсіби шындыққа тез әрі сапалы енгізуге үнемі дайындығы және заманауи техникалық үрдістерге сәйкес келу қабілеттілігі қажеттігін атап өтті.
Қалыптасқан дәстүр бойынша биыл біздің университетке университеттің құрметті қонақтары шақырылды, олардың ішінде:
- Қарағанды облысы әкімінің бірінші орынбасары, «Қазақстанның Еңбек Ері атағының иегері, университетіміздің түлегі Вадим Борисович Басин;
- «Қарағанды машина жасау консорциумы» ЖШС директоры, техника ғылымдарының докторы, профессор, сонымен қатар біздің университеттің түлегі Болат Мәулетұлы Кенжин;
- Рақышева Алмагүл Айтқазықызы Білім және ғылым қызметкерлерінің салалық кәсіподағы Қарағанды облыстық ұйымының төрағасы;
- «Жастар Рухы» жастар қанатының Қарағанды облыстық филиалының төрағасы Ержан Болатұлы Хамитов.
Құрметті қонақтар мен ардагерлер жаңа оқу жылында студенттерге жақсы оқу, дәрістерде зейінділік, жақсы бағалар, ең бастысы, диплом алу мақсатына жетуді тіледі.
Студенттерге арналған салтанатты рәсім барысында студенттік билеттің символдық макеті тапсырылды. «Аспап жасау» мамандығы бойынша екінші курс магистранты, облысымыздың белсенді еріктісі, Әлихан Ермеков атындағы стипендия иегері Ерасыл Әбеу достық қошеметпен оны «Желілік технологиялар және байланыс жүйелері» мамандығы бойынша бірінші курс студенті, «Алтын белгі» төсбелгісінің иегері Уәлихан Қалиевке табыс етті.
Іс-шараның салтанатты бөлігі шығармашылық студенттік ұжымдар мен «Жас Орда» жастар қауымдастығының белсенділері дайындаған мерекелік концертпен жалғасты. Білім күніне арналған бағдарлама университеттің инновациялар көрмесімен аяқталды, ал 1 курс студенттері үшін кураторлық сағаттар өткізілді.
