2021 жылдан бастап «Әбілқас Сағынов атындағы Қарағанды техникалық университеті» КеАҚ қабырғасында Huawei ICT академиясы жұмыс істейді. Бұл академияда студенттер компьютерлік желілерді құру, коммутация, маршруттау, желі қауіпсіздігі және т.б. негіздерін үйренеді.
2023 жылдың 15 желтоқсанында Алматыда әртүрлі жоғары оқу орындарының студенттері арасындағы олимпиаданың қорытындысын шығаруға арналған конференция ұйымдастырылды. Бұл шарада академияның үздік студенттері мен оқытушыларына Huawei компаниясының дипломдары мен бағалы сыйлықтары табыс етілді. Өткен жылдың қорытындысы бойынша «Байланыс жүйелерінің технологиялары» кафедрасының аға оқытушысы Есенжолов Ұлан Серикович үшінші рет қатарынан Huawei академиясының үздік нұсқаушысы болып танылды. Жүзден астам үміткердің 8-і ғана бұл марапатқа ие болды.
Біз Ұлан Сериковичті тағы бір марапатпен құттықтаймыз және Әбілқас Сағынов атындағы ҚарТУдағы Huawei академиясына одан әрі өркендеу тілейміз.