2022 жылғы 30-мамыр мен 2-маусым аралығында Ташкент қаласында (Өзбекстан) Dota 2 және CS:GO пәндері бойынша Шанхай ынтымақтастық ұйымы мемлекеттерінің студенттері арасында киберспорттық турнир өтті.
Жалпы жүлде қоры қомақты сома — 200 миллион сомды (7,5 миллион теңгеден астам) құрады.
Турнирге қатысқан Қазақстан құрамасының сапында Әбілқас Сағынов атындағы Қарағанды техникалық университетінің студенті Молдабеков Алдиярдың (ИС-19-3 тобы) болғанын ерекше атап өткен жөн. Ол Dota 2 бойынша Қазақстанның студенттік құрамасының құрамына кірді.
Қазақстандықтардың қарсыластары да лайықты болды. Сонысымен де олардың бұл жеңісі маңыздырақ көрінеді.
Біздің студенттер Dota 2 бойынша SCO Students Cup турнирінің чемпиондары атанды!
Біз оларды құттықтаймыз! Әсіресе, біздің Алдиярды! Бәрекелді! Жарайсыңдар!
