Әбілқас Сағынов атындағы Қарағанды техникалық университеті Өскемен және Семей қалаларында өткен республикалық Vipusknik.kz – 2026 білім көрмесіне қатысты.
Көрмеге 9–11 сынып оқушылары қатысты. Қонақтар университеттің білім бағдарламалары, сұранысқа ие инженерлік бағыттар, оқуға түсу талаптары және студенттік өмірмен танысты. Әбілқас Сағынов атындағы Қарағанды техникалық университетінің өкілдері болашақ талапкерлер мен олардың ата-аналарының сұрақтарына жауап беріп, гранттар, академиялық мобильдік, тағылымдама және еңбек нарығындағы мүмкіндіктер туралы ақпарат берді.
Көрмеге қатысу оқушыларға мамандық таңдауына көмектесіп, ал университетке өзінің мүмкіндіктерін республикалық деңгейде таныстыруға мүмкіндік берді.
