Әбілқас Сағынов атындағы Қарағанды техникалық университеті мен Шихэцзы университетінің (ҚХР) Машина жасау бағыты бойынша бірлескен қос дипломдық бағдарламасының алғашқы легінің магистранты У Сяоюй магистрлік диссертациясын сәтті қорғады.
Бұл қорғау екі жоғары оқу орны арасындағы халықаралық ынтымақтастықтың маңызды нәтижесі және қос дипломды бірлескен бағдарламаның алғашқы түлектерін даярлау кезеңінің сәтті аяқталғандығымен есте қалды.
Бағдарлама үш жылға есептелген және екі университеттің ғылыми жетекшілерінің бірлескен жетекшілігімен жүзеге асырылады. Білім алушылар Қытай мен Қазақстанда оқып, теориялық дайындықты ғылыми-зерттеу қызметімен және өндірістік тәжірибемен ұштастырады.
Мемлекеттік аттестаттау комиссиясының мүшелері зерттеу жұмысының сапасын жоғары бағалап, түлектің кәсіби дайындығының жоғары деңгейін, халықаралық тәжірибесін және жұмыстың машина жасау саласын дамытудағы практикалық маңызын атап өтті.
Алғашқы түлектің сәтті қорғап шығуы бірлескен білім беру бағдарламасының тиімділігін дәлелдеп, Қазақстан мен Қытай жоғары оқу орындары арасындағы академиялық және ғылыми ынтымақтастықты одан әрі дамытуға жаңа мүмкіндіктер ашады.
