Әбілқас Сағынов атындағы Қарағанды техникалық университетінде Ғылыми кеңестің кезекті отырысында білім сапасын арттыру және ғылыми қызметті дамытуға бағытталған маңызды бағыттар талқыланды.
Күн тәртібіндегі бірінші мәселе бойынша Басқарма мүшесі – Ғылым және инновация жөніндегі проректор Али Мехтиевтің университеттің 2025 жылғы ғылыми-зерттеу қызметінің қорытындылары мен 2026 жылға арналған міндеттері туралы есебі тыңдалды. Ғылыми кеңес атап өткендей, 2025 жылы университеттегі ғылыми-зерттеу қызметі ғылымды дамытудың стратегиялық приоритеттері аясында жүзеге асырылып, мемлекеттік тапсырыс, өндіріс кәсіпорындарымен жасалған шаруашылық келісімдер, сондай-ақ кафедралардың бастамашыл тақырыптары бойынша ғылыми-зерттеу, тәжірибелік-конструкторлық және инновациялық жұмыстарға бағытталған.
«2025 жылғы «Атамекен» ҰҚП білім беру бағдарламалары рейтингісінің нәтижесі» туралы Стратегиялық даму департаментінің директоры Айнагуль Толеуова баяндама жасады. Аталған рейтингке қатысудың стратегиялық тұрғыда маңызы жоғары екендігі атап өтілді, себебі бұл көрсеткіштер мемлекеттік білім беру тапсырысын бөлу кезінде ескеріледі. Университеттің рейтингке қатысқан 29 білім беру бағдарламасының 23-і ТОП-10 қатарына енгенін атап өткен жөн.
Инновациялық технологиялар колледжінің жетістіктері мен даму перспективалары туралы баяндаманы колледж директоры Нұрбибі Смагулова жасады. Ғылыми кеңес атап өткендей, 2025-2026 оқу жылында колледждің қызметі техникалық және кәсіптік білім беру жүйесінің негізгі міндеттерін іске асыруға, оқу бағдарламаларын жаңартуға және кадрларды дайындау сапасын арттыруға бағытталған. Орта деңгейдегі мамандарды дайындау 47 білім беру бағдарламасы бойынша жүргізіледі, олар «Талап» КЕАҚ реестріне енгізілген, бұл бағдарламалардың мемлекеттік стандарттарға және еңбек нарығының талаптарына сәйкес келетінін растайды.
Отырыстың қорытындысында ҚарТУ Басқарма Төрағасы – Ректор Сауле Сагинтаева университеттің ғылыми әлеуетін күшейтуді, оқу бағдарламаларын жаңартуды және олардың бәсекеге қабілеттілігін арттыруды және стратегиялық приоритеттерге сәйкес тұрақты дамудың маңыздылығын атап өтті.