2025 жылғы 20 қарашада Әбілқас Сағынов атындағы Қарағанды техникалық университетінде ERG және Әлеуметтік технологияларды дамыту ассоциациясының қолдауымен «Студенттік кәсіпкерлік экожүйесі» жобасы аясында Ecosystem ERG Day интенсиві өтті. Шара студенттердің кәсіпкерлік дағдыларын дамытуға және дизайн ойлауды қолдана отырып жаңа идеялар генерациялауға бағытталды.
Қатысушылар пайдаланушылардың қажеттіліктерін талдаудың заманауи әдістерімен, инсайттарды табу және инновациялық концепциялар құру тәсілдерімен танысты. Интенсив спикері – Гүлжан Баязитова, Middle UX Researcher (Kolesa Group), Kolesa Conf 2025 спикері және Kolesa UX Research Meetup жүргізушісі, болды. Ол UX-зерттеулер жүргізу тәжірибесімен бөлісті және сұранысқа ие өнімдерді жасау барысында дизайн ойлаудың рөлін түсіндірді.
Іс-шара соңында студенттердің жобалық идеяларын қорғау өтті. Үздік командалар Алматыға кәсіпкерлік және бизнес бойынша бір апталық оқыту бағдарламасына баруға мүмкіндік алды.
Интенсив студенттерді кәсіпкерлік қабілеттерін дамытуға және жаңа шешімдер жасауға бағытталған динамикалық және өнімді атмосферада өтті.
