«Ұлы даланың ұлы есімдері» арнайы жоба. 2022 жылдың сәуір айында А. Байтұрсыновтың туғанына 150 жыл толуын атап өту шеңберінде ТЖМжС кафедрасында «Ұлттың ұлы ұстазы» атты поэзия кеші өтті. Ұлт мұғалімінің әдеби мұрасын насихаттау, көрнекті қазақ қоғам қайраткері, ақын, ғалым, педагог Ахмет Байтұрсыновтың өмірі мен шығармашылығымен таныстыру мақсатында өткен іс шара студенттердің бойында эстетика, патриотизм және адамгершілік қасиеттерді тәрбиелеуге бағытталды.
Сондай-ақ, Қарағанды қаласының М. Әуезов атындағы кітапхана филиалында «А. Байтұрсынов — ұлы ұстаз» тақырыбында дөңгелек үстел өтті, онда филология ғылымдарының докторы, А.Байтұрсынов атындағы Қостанай өңірлік университетінің профессоры, «Рухани жаңғыру» кешенінің меңгерушісі А.Алмасбек, Әбілқас Сағынов атындағы ҚарТУ ғылыми жұмыс бойынша проректоры Хуанган Н, химия ғылымдарының докторы, ҚарТУ Химия және химиялық технологиялар кафедрасының профессоры М.Ибраев, Қарағанды қаласы М.Әуезов атындағы кітапхана қызметкері Бақышова Н, сонымен қатар ХжХТ кафедрасының оқытушылары мен студенттері қатысты.
Іс-шараның мақсаты қоғам қайраткері, ағартушы, тіл жанашыры, әдебиеттанушы, түркітанушы, аудармашы А. Байтұрсынұлының өмірі мен шығармашылығын студенттерге таныстыру арқылы жас ұрпақты тәрбиелеуге үлес қосқан Отанының нағыз азаматы және патриотының үлгісін жастарға көрсету болды.