Жиынды ашқан тәрбие ісі жөніндегі проректоры Мирас Жанатбекұлы Құттыбай кураторлық – оқытушылар мен студенттердің өзара іс-қимылының таптырмас және тиімді жүйесі екенін атап өтті. Ол куратордың рөлі бірінші курс студенттерімен жұмыс жасауда ерекше маңызды екенін атап өтті.
Куратордың негізгі міндеті – сабаққа баратын студенттерге олар үшін жаңа орынға және оқытудың жаңа жағдайларына бейімделуге көмектесу.
«2020-21 оқу жылының күзгі семестріндегі кураторлық жұмыстың қорытындысы туралы есепті» Кураторлар кеңесінің төрайымы Агибаева Сәуле Жоламановна ұсынды. Кураторлар жұмысының жалпы ережелері, кураторлық жұмыс мониторингінің және ТЖ бойынша құжаттаманы тексерудің нәтижелері қаралды, 2021 жылға арналған тәрбие жұмысының басымдықтары мен міндеттері айтылды.
Қосымша баяндамашылармен — РАТЖ Кеңесінің төрағасы Қ.Б. Қызыров, РАТЖ Кеңесі төрағасының орынбасары Ж.А. Түсіпбеков, «Серпін» оқу орталығының жетекшісі Ш.А. Жетпісбай сөз сөйледі.
КА және ЕҚ кафедрасының профессоры Медеубаев Нұрмұхамбет Әлмағамбетұлы, ӨК кафедрасының аға оқытушысы Атькен Ержан кураторлық қызметі және жетекшілік ететін топтарда өткізілетін іс – шаралар туралы оқытушылардың алдында сөз сөйледі.
Кураторлар жиналысына Қарағанды қаласының ішкі саясат бөлімінің сектор меңгерушісі Аймагамбетов Нұрлан Мұратұлы шақырылып, студенттермен діни экстремизм мен терроризмге қарсы іс-қимыл бойынша оның барлық көріністерінде алдын алу жұмыстарының қажеттілігі туралы айтып берді.
Жиналыс соңында тәрбие жұмысы жөніндегі проректоры Мирас Жанатбекұлы барлық қатысушыларға алғысын білдіріп, кураторларға өз жұмыстары үшін жеке алғысын білдірді.
