Біліктілікті көтеру институты

ҚарМТУ-да  біліктілікті көтеру институты  (БКИ)  20.12.2001 жылы  берілген  № 0000032  мемлекеттік лицензия негізінде жұмыс істейді.

            Бұл институт басшы кадрлардың, өндіріс  мамандары  мен  білім  беру  саласының  қызметкерлеріне  еңбек   нарығында кәсіби дайындықтарына  қойылатын   талаптардың  артуына  орай  және   республикамыздың   экономикасының   дамуының қазіргі  жағдайларында инновациялық технологияларды  меңгеру  қажеттілігіне  байланысты құрылған.

            Біліктілікті көтеру институтында мамандардың  біліктілігін   көтеру "Еңбек қауіпсіздігі  және қорғау" (1 қосымша), "Өнеркәсіп қауіпсіздігі"  (2 қосымша) курстарының оқу жоспарына сәйкес 1 апта оқытылады (40 сағат), сонымен  бірге университетіміздің  шығарушы кафедраларында 64 мамандық бойынша  (3 қосымша) 2 апта оқытылады  (80 сағат), және 80 кәсіби пәндер  бойынша (4 қосымша) 1 және 2 апта оқытылады (40 және 80 сағат). 

            Біліктілікті көтеру институтында оқыту білім  беру қызметіне байланысты өтінішіне сай шарттарды бекіту арқылы ақылы түрде ұйымдастырылады (5 қосымша). Бір маманды оқыту оқу жоспары  бойынша (40 сағат) әр топта 10 адамнан  кем емес,  НДС  қоса есептегенде  оқыту 15 000 теңге. Біліктілікті  көтеру институтының  тыңдаушысы  ретінде мамандарды тіркеуге  алу  шартта көрсетілген жалпы соманы төлеу  сәтінен бастап жүзеге асады.  Білім беру  қызметінің  мерзімі хат-хабармен алдын-ала  хабарланады.

            Біліктілікті көтеру  институтында оқу кезеңін университетіміздің жоғары кәсіби мамндары ғылым докторлары, профессорлар және жетекші доценттер қамтамасыз етеді.

            Біліктілікті көтеру  институтын бітірген тыңдаушыларға оқу  мерзімі көрсетілген, бекітілген  нұсқадағы сертификат  немесе төлқұжат беріледі.