ҚарМТУ QS Еуропа және Орталық Азия елдерінің ЖОО рейтингіне кірді

Қарағанды мемлекеттік техникалық университеті Британдық Quacquarelli Symonds компаниясы құрған Еуропа және Орталық Азия елдерінің ЖОО рейтингіне кірді.
Жалпы QS EECA (Emerging Europe & Central Asia) рейтингіне аймақтың 22 елінен 150 жоғарғы оқу орындары кірді. Қазақстандық университеттерден аталмыш рейтингке Әл- Фараби атындағы Қазақ ұлттық университеті (21-ші орын), Л.Н.Гумилев атындағы Еуразия ұлттық университеті (33-ші орын), Қ.И.Сәтбаев атындағы Қазақ ұлттық техникалық университеті (54-ші орын), Қазақстан-Британ техникалық университеті (63-ші орын), Қазақ ұлттық аграрлық университеті (67-ші орын) кірді.
Сонымен қатар аталмыш рейтингке кірген Қазақ мемлекеттік қыздар педагогикалық университеті (74-ші орын), М.Әуезов атындағы Оңтүстік-Қазақстан мемлекеттік университеті (81-ші орын), Е.А.Бөкетов атындағы Қарағанды мемлекеттік университеті (100-ші орын), Абылай хан атындағы Қазақ халықаралық қатынастар және әлем тілдері университеті (101-110- шы орындар), Қарағанды мемлекеттік техникалық университеті (111-120-шы орындар), Д.Серікбаев атындағы Шығыс-Қазақстан мемлекеттік техникалық университеті (111- 120-шы орындар), М.Қозыбаев атындағы Солтүстік –Қазақстан мемлекеттік университеті (131- 140-шы орындар), Алматы технологиялық университеті (131- 140-шы орындар) және Қожа Ахмет Яссауй атындағы Халықаралық қазақ-түрік университеті (141-150 орындар).
Тізімді бастаған М.В.Ломоносов атындағы Мәскеу мемлекеттік университеті. Екінші орынды да Ресейлік- Новосибирск мемлекеттік университеті иеленді. Алдыңғы қатарлы 5 университет тізіміне чехтің Карлов университеті, Тарту университеті және Санкт-Петербург мемлекеттік университеті енді.
Ақпарат tengrinews.kz сайтынан алынды.

Без рубрики